ଖମାର ଥାନାରେ ଜୁଭେଣ୍ଟିକା କାର୍ଯ୍ୟକ୍ରମ ଅନୁଷ୍ଠିତ

ଖମାର ଥାନାରେ ଜୁଭେଣ୍ଟିକା କାର୍ଯ୍ୟକ୍ରମ ଅନୁଷ୍ଠିତ

ଖମାର- ପାଳଲହଡା ଉପଖଣ୍ଡ ଖମାର ଥାନା ପରିସର ରେ ଜୁଭେଣ୍ଟିକା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମ ରେ ଥାନା ଅଧିକାରି ଅରୁଣ କୁମାର ଖିଲାର ଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ଡାକ୍ତର ଅବିନାଶ ସେଠୀ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମ ରେ ଥାନା ର ବିଭିନ୍ନ ଅଞ୍ଚଳରୁ ଆସିଥିବା ନାବାଳକ ଓ ନାବାଳିକାମାନଙ୍କୁ ନୈତିକ ଓ ବୌଦ୍ଧିକ ଜ୍ଞାନ ସହ ଥାନାରେ ଥିବା ଆଇନ କାନୁନ ସମ୍ପର୍କରେ ସଚେତନ କରାଯାଇଥିଲା। ମୋବାଇଲ ବ୍ୟବହାର ସମୟରେ କିପରି ସତର୍କ ରହିବା, ସାଇବର ଠକେଇ ଓ ମୋବାଇଲ ହ୍ୟାକରଙ୍କ ଠାରୁ କିପରି ଦୂରେଇ ରହିବା ସେନେଇ ବିସ୍ତୃତ ଭାବେ ବୁଝାଯାଇଥିଲା।ଏଥିସହ ନିଜ ସୁରକ୍ଷା ପାଇଁ କେଉଁ ସ୍ଥାନରେ ଓ କିପରି ଅଭିଯୋଗ କରିବା, ଥାନାରେ ଥିବା ବିଭିନ୍ନ ବିଭାଗର କାର୍ଯ୍ୟପ୍ରଣାଳୀ ସମ୍ପର୍କରେ ନାବାଳକ ନାବାଳିକାମାନଙ୍କୁ ଥାନା ପରିଦର୍ଶନ କରାଇ ଅବଗତ କରାଯାଇଥିଲା। ସଭା ଶେଷରେ ଟିଭି ମାଧ୍ୟମରେ ଶିକ୍ଷଣୀୟ ଭିଡିଓ ବାର୍ତ୍ତା ପ୍ରଦର୍ଶନ କରାଯାଇଥିଲା। କାର୍ଯ୍ୟକ୍ରମ ରେ ଥାନା ର ସମସ୍ତ ପୋଲିସ କର୍ମଚାରୀ ଙ୍କ ସମେତ ଅଞ୍ଚଳ ର ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।