ଅନୁଗୋଳ ବନଖଣ୍ଡରେ ପୃଥକ ପୃଥକ ଗାଁରେ ହାତୀ ଆକ୍ରମରେ ୨ ମୃତ ଅନୁଗୋଳ ବନାଞ୍ଚଳରେ ୩ ମାସରେ ୪ମୃତ୍ୟୁ ଓ ବନ୍ତଳା ବନାଞ୍ଚଳରେ ମାସକ ଭିତରେ ୫ ମୃତ୍ୟ

ଅନୁଗୋଳ ବନଖଣ୍ଡରେ ପୃଥକ ପୃଥକ ଗାଁରେ ହାତୀ ଆକ୍ରମରେ ୨ ମୃତ

ଅନୁଗୋଳ ବନାଞ୍ଚଳରେ ୩ ମାସରେ ୪ମୃତ୍ୟୁ ଓ ବନ୍ତଳା ବନାଞ୍ଚଳରେ ମାସକ ଭିତରେ ୫ ମୃତ୍ୟ

ଅନୁଗୋଳ ବନଖଣ୍ଡରେ ହାତୀ ମଣିଷ ଲଢେଇ ଜାରି ରହିଥିଲା ବେଳେ, ବୁଧବାର ଭୋର ସମୟରେ ଗୋଟିଏ ପଞ୍ଚାୟତର ପୃଥକ ପୃଥକ ଗାଁ ରେ ହାତୀ ଆକ୍ରମଣ ୨ ଜଣ ମୃତ୍ୟୁବରଣ କରିଥିବା ଜଣା ପଡିଛି । ମିଳିଥିବା ସୂଚ଼ନା ରୁ ଅନୁଗୋଳ ବନାଞ୍ଚଳ ପୁରୁଣାଗଡ଼ ସେକ୍ସନ ନନ୍ଦପୁର ପଞ୍ଚାୟତ ଚନ୍ଦନପୁର ଗାଁର ଭୂବନ ପ୍ରଧାନ ୭୨ ସକାଳୁ ଶୌଚ ପାଇଁ ଯାଇ ଆମ୍ବ ତୋଟା ଆଡ଼େ ଆମ୍ବ ଗୋଟାଇବା ପାଇଁ ଯାଇଥିଲେ । ସେଠାରେ ସେ ଏକ ହାତୀ ସହ ମୁହାଁ ମୁହିଁ ହୋଇଥିବା ବେଳେ ହାତୀ ତାଙ୍କୁ ଶୁଣ୍ଢରେ ଟେକି କଚାଡ଼ି ଦେଇଥିଲା । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା, ଖବର ପାଇ ବନ କର୍ମଚାରୀ ଓ ବନ୍ତଳା ପୁଲିସ ଘଟଣା ସ୍ଥଳରେ ପହଞ୍ଚି ଶବ ଉଦ୍ଧାର ବେଳେ, ଗାଁ ଲୋକଙ୍କ ରୋଷର ଶିକାର ହୋଇଥିଲେ । ଗାଁ ଲୋକ ମାନେ ଶବକୁ ପୁରୁଣଗଡ଼ କରତପଟା ମୁଖ୍ୟ ରାସ୍ତାରେ ରଖି ଆନ୍ଦୋଳନ ଆରମ୍ଭ କରିଥିବା ଜଣାପଡିଛି । ସେହିପରି ବନ୍ତଳା ବନାଞ୍ଚଳ ପୋକତୁଙ୍ଗା ବିଟ ନନ୍ଦପୁର ପଞ୍ଚାୟତ ବାଘୁଆପାଟ ଆମ୍ବତୋଟାରେ ଜଣେ ହାତୀ ଆକ୍ରମଣରେ ମୃତ୍ୟୁ ହୋଇଥିବା ଜଣାପଡିଛି । ମିଳିଥିବା ସୂଚନାରୁ ମଧୁପୁର ଗାଁର ଧୂଳିଆ ଦେହୁରୀ ୫୫ ଭୋର ସମୟରେ ଆମ୍ବ ଗୋଟାଇବା ପାଇଁ ଯାଇଥିବା ବେଳେ ହାତୀ ହାବୁଡ଼ରେ ପଡ଼ି ଯାଇଥିଲେ । ସେଠାରେ ମୃତକ ଧୂଳିଆଙ୍କୁ ହାତୀ କଚ଼ାଡି ଦେଇ ତାଙ୍କ ଉପରେ ଚଢ଼ି ଯାଇଥିଲା । ଫଳରେ ଘଟଣାରେ ସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ଖବର ପାଇ ଘଟଣା ସ୍ଥଳରେ ବନ୍ତଳା ପୋଲିସ ଓ ବନକର୍ମଚାରୀ ମାନେ ପହଞ୍ଚିଥିଲେ ମଧ୍ୟ ଗାଁରେ ଉତ୍ତେଜନା ଲାଗି ରହିଥିବାରୁ ଶବ ଜବତ କରିପାରିନଥିବା ବେଳେ, ଗ୍ରାମବାସୀଙ୍କ ସହ ଆଲୋଚନା ଜାରି ରହିଥିବା ସୂଚ଼ନା ମିଳିଛି । ସୂଚନା ଯେ ଗତ ୩ ମାସ ମଧ୍ୟରେ ଅନୁଗୋଳ ବନଖଣ୍ଡ ଅନୁଗୋଳ ରେଞ୍ଜ ଅନ୍ତର୍ଗତ ବିଭିନ୍ନ ଗାଁରେ ହାତୀ ଆକ୍ରମଣରେ ୪ଜଣଙ୍କର ମୃତ୍ୟୁ ହୋଇଥିଲା ବେଳେ, କେବଳ ବନ୍ତଳା ବନାଞ୍ଚଳ ଅନ୍ତର୍ଗତ ବିଭିନ୍ନ ଗାଁରେ ମାସକ ମଧ୍ୟରେ ୫ଜଣଙ୍କ ମୃତ୍ୟୁ ହୋଇଛି ।