ଫ୍ରିଜରରୁ ପାନୀୟ ଜଳ ନେବା ବେଳେ ବିଦ୍ୟୁତ ଆଘାତରେ ଶ୍ରମିକ ଗୁରୁତର

ଢେଙ୍କାନାଳ ଜିଲ୍ଲା ଭୁବନ ଏନଏସି ପକ୍ଷରୁ ବିଭିନ୍ନ ଓ୍ଵାର୍ଡରେ ଲଗା ଯାଇଥିବା ଥଣ୍ଡାପାନୀୟ ଜଳ ଫ୍ରିଜର ଉପରେ ଵିଭାଗୀୟ ଅଧିକାରୀଙ୍କ ଗୁରୁତ୍ଵ ନାହିଁ । ତେବେ ଏହି ବେପରୁଆ ପାଇଁ ଗୋପାଳ ମଣ୍ଡପ ଠାରେ ଜଣେ ଶ୍ରମିକ ପାନୀୟ ଜଳ ଆଣୁଥିବା ବେଳେ ବିଦ୍ୟୁତ ଆଘାତରେ ଗୁରୁତର ଆହତ ହୋଇଛନ୍ତି । ଗୁରୁତର ଶ୍ରମିକ ଜଣଙ୍କ ଭୁବନ ଏନଏସି ଓ୍ବାର୍ଡ ନମ୍ବର ୧୨ ର ରବି ମଳିକ। ସେ ଜଣେ ଦିନ ମଜୁରିଆ । ମଜୁରୀଆ ଜଣଙ୍କ ଫ୍ରିଜରରୁ ଥଣ୍ଡାପାଣି ପିଇପାକୁ ଯାଇ ଫ୍ରୀଜରେ ହାତ ଲଗାଇ ପାଣି ଆଣିବା ବେଳେ ବିଦ୍ୟୁତ ଆଘାତରେ ଲାଗି ରହିଥିଲେ। ପାଖରେସଥିଵା ଲୋକମାନେ ରବି କୁ ଉଦ୍ଧାର କରି ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରକୁ ନେଇ ଆସିଥିଲେ । ପ୍ରାଥମିକ ଚିକିତ୍ସା ପରେ ଅଧିକ ଗୁରୁତର ଥିବାରୁ ତାଙ୍କୁ ଢେଙ୍କାନାଳ ମୂଖ୍ୟ ଚିକିତ୍ସାଳୟକୁ ସ୍ଥାନାନ୍ତରୀତ କରାଯାଇଛି । ତେବେ ଅସହ୍ୟ ଗ୍ରୀଷ୍ମ ପ୍ରବାହରେ ଏନ ଏ ସି ପକ୍ଷରୁ ବିଭିନ୍ନ ସ୍ଥାନରେ ଲଗାଯାଇଥିବା ଥଣ୍ଡା ପାନୀୟଜଳ ପ୍ରକଳ୍ପକୁ ସୁରକ୍ଷିତ ରଖିବା ସହିତ ବାରମ୍ବାର ଯାଞ୍ଚ ପାଇଁ କତୃପକ୍ଷ ଗୁରୁତ୍ଵ ଦେବା ପାଇଁ ଅଞ୍ଚଳବାସୀଙ୍କ ପକ୍ଷରୁ ଦାବି ହେଉଛି । ଏ ସକ୍ରାନ୍ତରେ ଭୁବନ ଏ ନ ଏସି ନିର୍ଵାହୀ ଅଧିକାରୀ ପ୍ରଦତ୍ତ କୁମାର ସାହୁଙ୍କୁ ପଚାରୀଵାରୁ ସେ କହିଛନ୍ତି ଜଣେ ବ୍ୟକ୍ତିଙ୍କୁ ଏହାର ତଦାରଖ ଓ ବିଦ୍ୟୁତ ସଂଯୋଗ ଉପରେ ଯାଞ୍ଚ ପାଇଁ ଦାୟୀତ୍ବ ଦିଆଯାଇଛି । କେତେକ ଫ୍ରୀଜର ମରାମତି ସରିଯାଇଛି ବାକିଥିବା ଫ୍ରୀଜର ଗୁଡ଼ିକୁ ଯଥା ଶିଘ୍ର ମରାମତି ସହିତ ସମସ୍ତ ମେଣ୍ଟନାନ୍ସ କରାଯିବ ବୋଲି କହିଛନ୍ତି ।